Asmi yaɣriɣ asefru-yagi n Dda Malek Houd , iɛeǧb-iyi ufiɣ deg-s anamek lqayen, ufiɣ deg-s daɣen imeslayen d imaynuten, warǧin iten ssineɣ, am :<br /><br />*Azeqqur : Aqejmur<br />*Ekri ( Ikerri ) = Retrecir, aceṭṭiḍ mi ara yirid ikerri / yettuɣal.<br />Imi nudeɣ si tama-w, ufiɣ-d ameslay-agi yesɛa anamek nniḍen,<br />Ekri ( ikerri / yettwakray - akray ) // Être malingre, de petite Taille pour son âge.<br />.Yekri, d acaraf, kan akka is d-cfiɣ ( Il est tout petit et pourtant il est âgé, je l'ai toujours connu ainsi.)<br /><br />*Tikal, isem ikil, d ayefki i yettikilen yettuɣal yejmed.<br /><br />Sarameɣ kan as taɛǧeb i netta.<br /><br />AD YUGHAL /YEKRI<br />Yettuγaḍ yiles deg yimi<br />Yeqqim yeṭṭili<br />Ur yezmir ad d-yin’ awal<br />Deffir wuglan yedduri<br />Yerra-tt i tguni<br />Ayen yeffer d izumal<br />Imetman ḥaca nutni<br />Aksum -is yelwi<br />Yeγli d amγar ur yuklal<br /><br />Ay acedluḥ azeggaγ<br />Yiggas ad ak seggeγ<br />Ad k- degreγ i wuccanen<br />Lbaṭel mi ara t-ẓreγ<br />M-ara ɛerḍeγ ad d-neṭqeγ<br />Tεuggneḍ fukken imeslayen<br />Teẓriḍ diri ma ssusmeγ<br />Tebγiḍ ad qebleγ<br />Amrar s amgerḍ n watmaten .<br /><br />Aḥeq iles yettwakeblen<br />D wallaγ yiraden<br />D tamdelt f uẓekka ard tekkes<br />Ad nẓer at laxert yeddren<br />Aglim f iγessan<br />Ifassen refden iles<br />Aten aya ulin-d d asawen<br />Agdud ad t-muqlen<br />Walan-t d azeqqur ires.<br /><br />Zerriεa-s teγli ar wakal<br />Issemγi ard d-ilal<br />Iles-is ur ikerri ad yiγzif<br />G tfeqlujt tagmat tikal<br />Ar lḥeqq tmal<br />Teggul ad tekkes aγilif<br />Ass ad d-igrin d amellal<br />Ad ifak ccwal<br />Iles ad s-d-yuγal nnif .
