کاش میں تیرے حسیں ہاتھ کا کنگن ہوتا <br />تُو بڑے پیار سے بڑے چاوْ سے بڑے مان کے ساتھ <br />اپنی نازک سی کلائی میں چڑھاتی مجھ کو <br />اور بےتابی سے فرقت کے خزاں لمحوں میں <br />تو کسی سوچ میں ڈوبی جو گھماتی مجھ کو <br />میں تیرے ہاتھ کی خوشبو سے مہک سا جاتا <br />جب کبھی موڈ میں آ کر مجھے چوما کرتی <br />تیرے ہونٹوں کی حدت سے دہک سا جاتا <br />رات کو جب بھی تُو نیندوں کے سفر پر جاتی <br />مَرمَریں ہاتھ کا اک تکیہ بنایا کرتی <br />میں ترے کان سے لگ کر کئی باتیں کرتا <br />تیری زلفوں کو تیرے گال کو چوما کرتا <br />جب بھی تو بند قبا کھولنے لگتی جاناں <br />کاپنی آنکھوں کو ترے حُسن سے خیرہ کرتا <br />مجھ کو بےتاب سا رکھتا تیری چاہت کا نشہ <br />میں تری روح کے گلشن میں مہکتا رہتا <br />میں ترے جسم کے آنگن میں کھنکتا رہتا <br />کچھ نہیں تو یہی بے نام سا بندھن ہوتا <br />کاش میں تیرے حسیں ہاتھ کا کنگن ہوتا <br /><br />وصی شاہ
