Parolle di Ghjacumu Fusina <br />Musica di Ghjuvanpaulu Poletti <br />Cantata da Dumè Gallet <br /><br />Album "Théâtre de la Ville" (1981) <br /><br />Amicu ci sì tù chì ci porghji la manu <br />Quandi u ventu gira ind'u celu isulanu <br />Quandi u sensu spira ind'u cerbellu umanu <br />Amicu ci sì tù. <br /><br />Amicu ci sì tù chì ci porti penseru <br />Quandi u morsu stringhje di ferru furesteru <br />Quandi l'ochju dinnera da lu vechju addisperu <br />Amicu ci sì tù. <br /><br />Amicu ci sì tù chì copri lu dulore <br />Quandi a brusta ghjala u focu di l'amore <br />Quandi a fede cala in core traditore <br />Amicu ci sì tù. <br /><br />Amicu ci sì tù chì ci apri le porte <br />Quandi l'idea more nantu à le strade torte <br />Quand'ellu sbuccia un fiore cume sognu di morte <br />Amicu ci sì tù <br /><br />Amicu ci sì tù chì ci dai speranza <br />Quandi a vita cagna ci tomba fratellanza <br />Quandi a terra cara si sfuma in la partenza <br />Amicu ci sì tù. <br /><br />Amicu ci sì tù chì ghjetti lu mandile <br />Quandi u tempu vene d'ùn esse più ghjentile <br />Quand'ella vene l'ora d'ùn esse più civile <br />Amicu ci sì tù.
