Nuk ka surpriza në Formula 1, Luis Hamilton kurorëzon me sukses një edicion të shkëlqyer duke u shpallur kampion bote për herë të dytë në karrierë. <br /> <br />Britanik i Mercedesit zhvilloi një super edicion, teksa konkurrentin më të fortë, Rosberg e kishte brenda familjes së skuderisë, por në fund eksperienca bëri diferencën. <br /> <br />Nico Rosberg ishte në luftë për titullin deri në garën e fundit, pasi pikët sipas rregullores dyfishoheshin në garën e Abu Dabit, por gjermani i zhgënjeu të gjithë duke e mbyllur garën e fundit në vendin e 14 me shumë vështirësi pas disa problemeve. <br /> <br />Ndërsa britaniku e mbylli në vendin e parë garën e Abu Dabit duke siguruar triumfin e 11 këtë edicion, i dyti u rendit Masa, ndërsa i treti Botas. <br /> <br />Hamilton grumbulloi 384 pikë në kampionatin e pilotëve, ndërsa Rosberg 317 pikë. <br /> <br />Në këtë garë të fundit Mercedes feston edhe titullin kampion për Konstruktorë që e rifiton pas 59 vitesh nga koha kur e fitonte me Huan Manuel Fanxhion. <br /> <br />Vitin e ardhshëm priten ndryshime të mëdha në rregullore por edhe lëvizjen e pilotëve.
