"Krah për krah kundër kancerit të qafës së mitrës", është kjo nisma që kanë ndërmarrë një grup grash dhe vajzash dhe kërkojnë lobimin e të gjithë palëve, por sidomos grave me pushtet për të marrë masa për parandalimin e tij në faza fillestare.<br /> <br />Në takimin e zhvilluar nga ISHP, UNFPA dhe Qendra e Evropës Juglindore për Survejancën dhe Parandalimin e Sëmundjeve Infektive (SECID) ministri i Shëndetësisë, Ilir Beqaj premtoi mbështetejn e pakushtëzuar të dikasterit që ai drejton.<br /><br />Sipas Silva Binos, mjeke infeksioniste pranë ISHP, ky lobim ka si synim që brenda 5 viteve të ardhshme të ulë në mënyrë drastike numrin e vdekjeve të grave nga ky lloj tumori. <br /><br />Për mjekët klinicistë, nëse ndiqet skeda e përcaktuar mjekësore, ky lloj tumori është në 90% të rasteve i parandalueshëm.<br /><br />Në fund të takimit të pranishmit kanë nënshkruar unanimisht "deklaratën e Mençurisë", e cila bën thirrje për ndërhyrje të përbashkëta për të zvogëluar rriskun.
