TIRANE- Faza e dytë e testimit me shkrim të kandidatëve për drejtorë të arsimit rajonalë në 12 qarqe të vendit ka nisur nën masa të rrepta sigurie. 230 kandidatët do të testohen për 7 pyetje, të cilat janë hartuar nga specialistët më të mirë të arsimit, ndërsa përgjigjet do të mund të mësohen sot pasdite. Mësuesit kandidatë urojnë që të fitojë më i miri.<br /><br />"Nuk më tremb aspak. Në qoftë se je i aftë, të fitojë më i miri. Kjo është forma më e drejtë për të provuar meritokracinë, për të provuar aftësitë, kështu që besoj nga ky konkurs do dalë më i miri", shprehen mësuesit.<br /><br />Gjatë ditës së nesërme kandidatët që do të jkalojnë këtë test, do t'i nënshtrohen testin me gojë në Ministrinë e arsimit. Por fituesit nuk do të dalin nga këtu, do të jetë një juri publike, ajo që do të vendosë se cili do të jetë fituesi. <br /><br />"Kam vendosur që këtë atribut ta ndaj së bashku me publikun e qarqeve nga kandidatët vijnë në mënyrë që ata të ftohen në 12 finale publike për të shpalosur idetë e tyre. Dhe për drejtorat e shkollave, konform ligjit do të ketë konkurim me komisionet e këshillit të prindërve, bordeve të prindërve dhe përfaqësuesve të pushtetit vendor në qarqe, deklaoi ministria e Arsimt, Lindita Nikolla.<br /><br />Por zgjedhja e mësuesve me konkurs do të jetë tashmë një formulë standard që do të aplikohet për çdo pozicion në shkollat publike të vendit, duke I dhënë fund emërimeve në zyrën e ministrit apo të drejtorit rajonalë të arsimit.
