SKOCI - Qeveria skoceze pritet të paraqesë një dokumentacion me 670 faqe, ku listohen të gjitha arsyet se përse Skocia duhet të jetë një vend i pavarur.<br /><br />Ministri i parë skocez. Alex Salmond tha se ky dokument vërteton pa asnjë pikë dyshimi aftësinë e Skocisë për të qenë një vend i suksesshëm dhe i pavarur.<br /><br />Në 18 shtator të vitit 2014, votuesit skocezë do të duhët të përgjigjen me 'po' ose 'jo' referendumit nëse Skocia duhet të jetë një vend i pavarur.<br /><br />Sipas partisë në pushtet, Scotish National Party, financat e Skocisë janë shumë më të mira se ato të Mbretërisë së Bashkuar, duke siguruar kështu një bazë të fortë për t'a vënë në fokusin e fushatës së referendumit për të ardhmen e vendit të tyre.<br /><br />Zv. Ministria e Parë e Skocisë, Nicola Sturgeon, u shpreh se dokumenti ishte i mbushur me fakte, të dhëna dhe informacione të ndryshme, si dhe duke pasur në fokus të gjitha pyetjet që populli skocez mund kishte në lidhje me këtë çështje.<br /><br />Sturgeon pritet të prezantojë këtë dokument ditën e martë në parlamentin skocez.<br /><br />Datë në të cilën përkon edhe përvjetori i Bashkimit të Kurorave, pra unifikimi i tre mbretërive nën një monark, në vitin 1603.
