TIRANE- Një i ri ka gjetur vdekjen mbrëmjen e djeshme në një aksident rrugor autostradën Tiranë- Durrës<br /> <br />I riu ka qenë duke lëvizur me biçikletë kur rreth orës 03:00 është përplasur nga një automjet me targa AA909FI që drejtohej nga Endri Koka.<br /> <br />Por historia nuk mbyllet këtu. Viktima është dëmtuar dhe nga makina të tjera të cilët kanë lëvizur në atë kohë, duke e bërë shumë të vështirë identifikimin e tij.<br /> <br />Sipas dëshmisë së drejtuesit të mjetit djaloshi ka qenë duke udhëtuar me biçikletë në sensin e kundërt me lëvizjen e automjeteve.<br /> <br />"Vijon puna për identifikimin e viktimës së aksidentit; aktualisht trupi ndodhet në Morgun e Spitalit të Durrësit, i përket një shtetasi me moshë 25-35 vjec, por për shkak të shkallës së lartë të dëmtimit shkaktuar edhe nga mjete të tjera në lëvizje, saktësimi i detajeve të tjera fizike ose të veshjes paraqitet i vështirë."- thuhet në njoftimin për shtyp të shpërndarë rreth orës 09:00.<br /> <br />Ndërkohë që më pak minuta më vonë,policia informoi se në xhepin e viktimës është gjetur një kartë identiteti me emrin Gentian Vudo dhe i datëlindjes 1.12. 1981.<br /> <br />Policia thotë se drejtuesi i mjetit ndodhet i shoqëruar në Policinë e Shijakut dhe ndaj tij po vijojnë veprime proceduriale.
