FIER- Vënia nën hetim e tre mjekëve të spitalit të Fierit në akuzën e shpërdorimit të detyrës ka sjellë reagimin e tyre dhe drejtuesve të spitalit rajonal të Fierit. Mjeku patolog Marjon Sinani, infermireri Drini Nallbani, dhe kirurgu Julian Malaj, një ditë më parë kanë mjekuar shteasin Amarildo Koçiaj 19 vjeç, i cili kishte mbetur i plagosur në një aksident automobilistik, teksa ndiqej nga policia.<br /> <br />19-vjeçari kur është paraqitur pranë bluzave të bardha ka pohuar se ishte rrëzuar nga gomari, ndërsa pasi ka marrë mjekimin është larguar.<br /> <br />Menjëherë pas kësaj në spital kanë mbërriur uniformat e policisë, të cilët kanë nisur procedim penal ndaj mjekëve. Nëndrejtori i spitalit të Fierit, Klitit Gjerazi, në një konferencë për shtyp argumenton se përse është i gabuar procedimi penal ndaj mjekëve.<br /> <br />Në të njëjtën linje me drejtorin e spitalit kanë qenë edhe mjekët e proceduar, të cilët në fjalën e tyre kanë theksuar së kanë kryer thjesht detyrën dhe se nuk kishin dijeni për faktin se 19-vjeçari ishte plagosur në aksident.<br /> <br />Në aksidentin ku mbeti i plagosur Amarildo Koçiaj, humbi jetën kushëriri i tij 29-vjeçari Robert Koçiaj, nga fshati Varibop i rrethit Fier.<br /> <br />Trupi i pajetë i 29-vjeçarit është dërguar në shtëpi nga dy persona të paidentifikuar, ndërsa policia ka nisur hetimet për zbardhjen e rrethanave të aksidentit.
