BRUKSEL - Zyrtarë nga Komisioni Europian konfirmojnë për A1REPORT se do rekomandojnë përsëri në qershor që Shqipëria të marrë statusin e vendit kandidat për në Bashkimin Europian.<br /> <br />Burime nga Komisioni Europian, thanë për gazetarin Arbër Hitaj se Shqipëria ka bërë mjaftueshëm për të marrë statusin kandidat. Problem, sipas tyre, mbetet klima politike tejet përçarëse.<br /> <br />Ata shprehen se Shqipëria duhet të ndjekë modelin e disa shteteve, që të veçojë axhendën e integrimit nga ajo e brendshme, ndërsa theksojnë se për një sërë reformash duhet konsensus politik.<br /><br />"Opozita duhet të njohë meritat e qeverisë. Dhe kjo duhet të ndodhë me gjithë opozitat", thonë zyrtarët e Komisionir Europian për A1 REPORT.<br /> <br />Por ndër sfidat e vendit sipas tij, vijon të mbetet sistemi gjyqësor. Ata theksojnë se duhet depolitizim i këtij sistemi duke vepruar edhe ndaj korrupsionit të gjyqtarëve, ku sipas tyre, në disa raste nuk është vepruar. Zyrtarët thanë për gazetarin Hitaj, se rekrutimi i gjyqtarëve shumë problematic dhe duhet të bazohet në merita.<br /><br />Ata bëjnë apel për vazhdimin e luftës kundër korrupsionit dhe krimit të organizuar, duke evidentuar njëhrësh hapat pozitivë në këto drejtime.<br /> <br />"Reforma në sistemin e drejtësisë është e rëndësishme. Por edhe situata ekonomike do të jetë pjesë e monitorimin tonë në të ardhmen. Duam që qytetarët shqiptarë ta ndjejnë praninë e BE nëpërmjet programve të ndryshme të projektit IPA", - thanë nga Brukseli zyrtarët e Komisionit Europian për gazetarin Arbër Hitaj.
