Makina e pronarit të një lokali në zonën e shëtitores "Taulantia", në qytetin e Durrësit shpërtheu me eksploziv sot rreth orës 07:52.<br /><br />Shpërthimi ndodhi pak sekonda pasi drejtuesi i mjetit, Edi Xhepa, kishte zbritur nga makina të cilën e kishte parkura para lokalit, informon korrespondenti ynë në Durrës, Llambi Kallço<br /><br />Sipas policisë, lënda eksplozive ishte vendosur në parakolpin e makinës tip 'Volkswagen' me targa DR 2137 R.<br /><br />Nga shpërthimi fatmirësisht nuk ka të lënduar por vetëm dëme materiale, informon gazetari ynë në Durrës, Llambi Kallço.<br /><br />Shpërthimi, pak sekonda pasi zbriti nga makina<br />Mësohet se Xhepa sapo ishte kthyer nga një zonë jashtë Durrësit dhe kishte parkuar makinën përballë lokalit. Pak sekonda pasi ka mbyllur derën e mjetit dhe është drejtuar për te lokali ka dëgjuar shpërthmin e makinës.<br /><br />Sipas të dhënave të para nga grupi hetimor mendohet se shpërthimi ka qenë i telekomanduar.<br />Ngjarja dyshohet se ka si motiv konkurencën, pasi Xhepa njihej si person i rregullt dhe serioz në qytetin e Durrësit.Policia ngre grupin hetimor <br />Sipas policisë së Durrësit shpërthimi ndodhi rreth orës 07:52 në momentin kur makina ka qenë e parkuar.<br /><br />"Shpërthimi ka ndodhur në automjetin me targa TR 2137 R, ishte i parkuar në parkingun e një lokali.<br /><br />Nga shpërthimi janë shkaktuar dëme material në pjesën e përparme të automjeti, por nuk ka njerëz të lënduar" thuhet në njoftimin për shtyp të policisë së Durrësit. Një grup hetimor po punon për zbardhjen e plotë të ngjarjes.
