TIRANE - Kur na ndajnë vetëm pak ditë nga nisja e punës të Komisiosinit Parlamentar për Reformën Territoriale, ministri për Çështjet Vendore, Bledi Çuci ka siguruar se etapa e parë e ndarjes administrative-territoriale që do të reduktojë numrin e komunave dhe bashkive, nuk prek Kushtetutën dhe se ka nuk lidhje me reformën zgjedhore për të cilën opozita prej muajsh e ka ngritur si shqetësim.<br /> <br />Në një intervistë për A1 Report, Çuçi shpjegon se vetëm nëse do të prekeshin qarqet atëherë do kishte nevojë për ndërhyrjet në Kushtetutë, por për këtë nevojitet konsensusi i opozitës. <br /><br />Ministri i Shtetit ka shpjeguar se edhe kompetencat e krerëve vendore do të modifikohen me anë të ligjit që parashikohet të jetë gati në korrik.<br /><br />Çuçi sqaron se ditën e hënë në Komisionin për Reformën do të paraqësë analizën për nevojën e kësaj reforme për të cilën kanë punuar ekspertët më të mirë vendas e të huaj.<br /><br />Në zgjedhjet vendore të 2015 Shqipëria do të ketë një ndarje të re administrative territoriale. Komisioni për këtë reformë do të funksionojë vetëm me 9 anëtarët e mazhorancës pas refuzimit të opozitës për tu bërë pjesë e saj. Por përtej mos pjesmarrjes së opozitës, mazhoranca i ka lënë të hapur mundësinë opozitës për të marrë pjesë në punën për ndarjen e re territoriale.
