Kristina Gjoka është fituesja më e re e konkursit të përvitshëm të vizatimit që organizohet në kuadër të 8 majit, Ditës Botërore të Kryqit të Kuq dhe Gjysmëhënës së Kuqe.<br /> <br />Fituesja e konkursit thotë për A1 Report rreth vlerësimit që mori: "U ndjeva shumë e lumtur dhe e emocionuar",-tha Gjoka duke theksuar se në të ardhmen dëshiron tu vijë në ndihmë njerëzve.<br /> <br />Ekspozita e çelur në Muzeun Historik Kombëtar ka mbledhur 370 vizatime nga fëmijët e 36 qyteteve të Shqipërisë, të cilët kanë sjellë nëpërmjet fantazisë së tyre vizatime me tematikën e Kryqit të Kuq, që ka ardhur nën titullin Ekspozita e 18 Kombëtare e Vizatimit "Fëmijët dhe Kryqi i Kuq".<br /> <br />Koordinatori për komunikimin Artur Katuci shprehet rreth këtij aktiviteti: "Kryqi i Kuq Shqiptar çdo vit orhanizon një ekspozitë vizatimi, e cila është një mënyrë për të hyrë nëpër shkolla dhe për të folur me fëmijët rreth Kryqit të Kuq, humanizmit solidaritetit etj.<br /> <br />Pas përfundimit të ndarjes së çmimeve të Konkursit "Fëmijët dhe Kryqi I Kuq".,"festa" e Kryqit të Kuq Shqiptar, e përkufizuar e tillë nga organizatorët, ka vijuar me Konkursin Kombëtar të ndihmës së parë , në qendër të Tiranës përballë Muzeut Historik Kombëtar, ku të rinjtë kanë dhënë demostrime sesi veprohet dhe ofrohet ndihma e parë në aksidente të ndryshme.<br /> <br />Ja çfarë ndan për A1 Report Koordinatorja e Ndihmës së Parë Kryqi i Kuq Shqiptar, Luljeta Hidi:<br /> <br />"Ky është qëllimi bërja sa më masive e ndihmës së parë, gjithkush mund ta japë ndihmën e parë mjafton të jetë trajnuar dhe ta japë në kohën dhe në mënyrën e duhur".<br /> <br />8 maji përkujtohet si dita botërore e Kryqit të Kuq dhe Gjysmëhënës së kuqë e shpallur e tillë në nder të Henri Dynant, themeluesi i Kryqit të Kuq.<br /><br />Këtë vit kjo datë ka përkuar edhe me 150 vjetorin e Konventës së Parë në Gjenevë, e cila i dha jetë lindjes së të Drejtës Ndërkombëtare Humanitare.
