TIRANE - Në lidhje me deklaratat nga Tirana të patriarkut serb Irinej se Kosova është e shenjtë për Serbinë, ka reaguar për A1 REPORT edhe zëdhënësi i Kishës Ortodokse Autoqefale, Thoma Dhima.<br /> <br />Ai thotë se deklarata e patriarkut serb është tërësisht personale dhe Kisha distancohet nga një qëndrim i tillë.<br /> <br />"Është një deklaratë e tij personale në një televizion për të cilën Kisha ka patur një aktivitet për të cilën çdo gjë ka shkuar në rregull në praninë e autoriteteve të shtetit pa asnjëlloj problem", shprehet zëdhënësi i Kishës Ortodokse në një lidhje telefonike për A1 REPORT. <br /><br />Edhe pse në vlerësimin e tij personalsi shqiptar është kundër kësaj deklarate, ai tha se nuk mund të japë përgjigje për situata të cilat kanë ndodhur jashtë ceremonisë së shenjtërimit të Kishës Ortodokse "Ngjalla e Krishtit" gjatë së djelës në Tiranë.<br /> <br />Ndërsa vizita është shprehur se "kryeministri Rama na nderoi me prezencën në ceremoniën zyrtare", zëdhënësi i Kishës Ortodokse, deklaron se bojkoti i drekës me krerët botërore të kishave ortodokse zhvilluar pas shenjtërimit, ishte zgjedhje personale e Kryeministrit.<br /> <br /> INTERVISTA TELEFONIKE PER A1 REPORT!<br /> <br />A jeni në dijeni të deklaratës së patriarkut serb Irinej se Kosova është tokë e shenjtë për Serbinë, a keni ndonjë koment për këtë?<br /><br />"Unë mund të flas vetëm për pjesën që ka të bëjë me shentërimin e Katedrales. <br />Kjo nuk është një deklaratë e tillë që ka të bëjë më shenjtërimin e katedrales, ka qënë një intervistë e tij në Top Channel për të cilën ju mund të merrni intervistën dhe ta komentoni". <br /><br />E kuptoj zoti Dhimo por patriarku serb është ftuar nga Kisha Ortodokse Shqiptare<br /><br />Shiko, ishin të ftuar të gjithë kryetarët e kishave ortodokse, nuk ishte ftuar vetëm patriarku serb, ai është një nga kryetarët e kishave ortodokse.<br /><br />Në një farë mënyre deklaratat që kanë ngjallur shumë reagim kush mban përgjegjësi?<br /><br />Është një deklaratë e tij personale në një televizion për të cilën Kisha ka patur një aktivitet për të cilën çdo gjë ka shkuar në rregull në praninë e autoriteteve të shtetit pa asnjëlloj problemi. <br /><br />Zoti Dhimo në momentin që kjo deklaratë është bërë cili është qëndrimi juaj, e mbështesni, nuk e mbështesni, çfarë këni për të thënë?<br /> <br />Unë jam shqiptar dhe kam një pozicion personal si shqiptar në këtë gjë, po unë kam dhe një pozicion zyrtar për të cilën unë mund të përgjigjem për aktivitetin i cili u zhvillua dhe nuk mund të futem në gjëra që nuk kanë të bëjnë më këtë aktivitet.<br /><br />Kryeministri Rama ka munguar në drekën e mbrëmshme të kishës Ortodokse, ka qenë ky një qëndrim ndaj kësaj deklarate, cilat janë informatat që ju keni?<br /><br />Dreka ishte dicka qe ishte plotësuese e shenjtërimit, kryeministri Rama erdhi dhe nderoi shentërimin me gjithë bashkëshorten dhe ne e falenderojmë për ardhjen e tij dhe pjesëmarrjen në këtë shenjtërim
