SARANDË - ?Kemi qenë pjesëmarrës në vrasje por nuk jemi ne ekzekutuesit e Edmond Theodhorit.? Kjo ka qenë dëshmia në sallën e gjyqit e Ledi Hysës, Ajmen Zibës nga Laçi dhe Ylli Reçit nga Kruja, të akuzuar për vrasjen e marangozit 32-vjeçar, Edmond Theodhori, ngjarje e ndodhur më 10 korrik në qytetin bregdetar të Sarandës.<br /><br />Pavarësisht kësaj dëshmie gjyqtari i çështjes, Autum Çela, vendosi ndaj të treve masën e sigurisë ?arrest me burg? masë e cila u kërkua edhe nga prokurori i çështjes, Ilir Hoxha, gjatë seancës së sotme në Gjykatën e Sarandës.<br /> <br />Ndërkohë tre personat e arrestuar kanë refuzuar të tregojnë emrin e personit që shkrepi armën ndaj 32-vjeçarit. Në kërkim për këtë ngjarje janë Gani Hysa, nipi i tij Kevin Hysa dhe kushëriri i tyre Elion Hysa, që paraprakisht dyshohet se është personi që ekzekutoi me pistoletë, Edmond Theodhorin.<br /> <br />Ky i fundit një ditë para se, të vritej ishte konfrontuar fizikisht pas një konflikti për motive banale me të afërmit e Ledi Hysës, Gani dhe Kevin Hysën, xhaxha dhe nip, të cilët ndodheshin me pushime në Sarandë.<br /><br />Pas kësaj është njoftuar për ngjarjen fillimisht, Elion Hysa, që më pas ka marrë shokët e tij Ledi Hysa, Ajmen Ziba nga Laçi dhe Ylli Reçin nga Kruja. Këta të fundit pasi e kanë kërkuar Edmond Theodhorin e kanë takuar pranë një diskoje. Pasi e kanë dhunuar fizikisht njëri prej tyre e ka qëlluar më armë zjarri tip pistoletë duke e lënë të vdekur.
