TIRANË - Lideri i opozitës Lulzim Basha thërret këtë të shtunë kryesinë e madhe të Partisë Demokratike. Mësohet se në fokus të diskutimeve të këtij organi të lartë do të jetë situata e vështirë ekonomike, hapat që do të hidhen për të ndaluar këtë gjendje dhe analiza për humbjen në zgjedhje.<br /> <br />Pritet të diskutohen dhe projektet që do të paraqesë selia blu në sesionin e ri parlamentar dhe hapat që do të ndiqet për aksionin e ri opozitar.<br /> <br />Demokratët e konsiderojnë të rëndë situatën ekonomike e për kapërcimin e së cilës parashikohet të hartohet një plan shpëtimi, siç e cilësojnë. Nëse oferta e demokratëve nuk pranohet, thonë burimet, atëherë rruga e vetme janë protestat.<br /> <br />Partia Demokratike ka gati draftet dhe për reformën në drejtësi, e cila është vlerësuar nga ndërkombëtarët si pika kyçe për hapjen e negociatave.<br /> <br />Ndërkaq në mbledhjet e kryesisë së grupit të PD që janë zhvilluar këto ditë është përcaktuar axhenda që Partia Demokratike do t?i propozojë Konferencës së Kryetarëve për kalendarin tre javor të punimeve të kuvendit.<br /> <br />Nga ana tjetër përveç përballjes me maxhorancën dhe problemeve që shfaqen në raport me qeverisjen, demokratët kanë një tjetër sfidë, atë me strukturat brenda partisë.<br /> <br />Ndërsa kryetari Basha në muajin korrik nisi një udhëzim për të nisur analizën e rezultatit zgjedhor të 21 qershorit, mësohet se strukturat në bazë kanë mbledhur të dhënat e rezultatit e kjo po diskutohet në kryesitë e degëve për tu përcjellë më pas në kryesinë e madhe.<br /> <br />Kjo mund të jetë një tjetër pikë e rendit të ditës e mbledhjes të kryesisë së madhe të PD ditën e shtunë.
