Dhjetra qytetarë të Vlorës kanë protestuar këtë të dielë për projektin e Lungomares, të cilin ata e kanë cilësuar abuzim financiar dhe mjedisor.<br /><br />?Jemi mbledhur sot për të protestuar. Ka një thënie, se një pamje vlen më shumë se një mijë fjalë. Mjafton që kameramanët të pasqyrojnë pamjen dhe kuptohet se sa e drejtë është protesta jonë paqësore. Ka tre vjet kjo gjendje, tre vjet që qytetarët e Vlorës edhe nëse duan të bëjnë një shëtitje buzë detit ku janë rritur, jo vetëm që nuk kanë mundësi por ambienti është mbytës. Mashtrim i madh duke marrë parasysh propagandën që na u bë para zgjedhjeve se do ju bëjmë Lungomaren si një mrekulli të Vlorës?, tha një protestues. Protestës së vlonjatëve iu bashkuan edhe disa përfaqësues të Partisë Demokratike. Deputetja e PD-së Liliana Elmazi tha se nga projekti i Lungomares janë harxhuar 1.7 milionë euro, por asgjë nuk është bërë.<br /><br />?Nga informacionet që kam, pasi ky projekt nuk është fare transparent, nuk ka fare projekt, janë harxhuar 1.7 milionë euro, por çfarë kanë bërë. Kanë marrë rërë dhe shtuf, çakull e në fund mbulohet me rërë. Ky është projekti madhor i kryeministrit për Vlorën. Unë nuk habitem aspak, por as qytetarët?, tha ajo.<br /><br />Ndërsa Sekretari për Aksionin Qytetar Ervin Salianji u shpreh se protesta është i vetmi mjet që u ka mbetur shqiptarëve deri në në largimin e së keqe. Është fatkeqësi e madhe që Rama është kryeministër, të cilën po e tregon me modelin e tij qeverisës. Është dy herë fatkeqësi që është deputet i Vlorës sepse i vetmi investim serioz që mendon Edi Rama për Vlorën, është investimi i Koço Kokëdhimës si deputet, si pasha? i zonës, si njeriu i cili kontrollon çdo interes dhe çdo influencë në Vlorë. Ka tre vjet që kryeministri tregon skica, projekte nëpër media dhe ka 3 vjet që e famshmja Lungomare e Vlorës nuk po bëhet, ka tre vjet që gjendja në këtë qytet, si më atraktivi dhe turistik i Shqipërisë, është në gjendje skandaloze," u shpreh Salianji.<br /><br />Kryetari i PD-së në Vlorë Moisi Meminaj e cilësoi situatën e krijuar nga projekti i dështuar i Lungomarës si një makth.
