Tre qytetarë të Vlorës kanë rënë pre e dhunës fizike e psikologjike dhe tentativës për tu marrë peng nga një 29 vjeçar nga Mitrovica e Kosovës këtë të mërkurë.<br /><br />Kjo ngjarje ka alarmuar Njësinë e Antiterrorit në Policinë e Shtetit e cila me një operacion me praninë e forcave Renea ka arritur të prangosë Dijar Xhemën 29 vjeç dhe të neautralizojë veprimet e tij që kanë përhapur panik në Vlorë.<br /><br />Nga hetimet paraprake dhe deklarimet e të lënduarve ka rezultuar se Xhema është afruar pranë tyre me makinë dhe me thirrjet ?Allahu Akbar?, ?Jam i dërguar i Allahut? dhe ?Do ju vras të gjithëve? ka dhunuar shtetasit B.N, N.I dhe F.D.<br /><br />Për hetimin e këtij rasti dhe përfshirjen e 29-vjeçarit që shihni në këtë foto me thirrjet e ngjashme që përodrin terroristët e ISIS është angazhuar Prokuroria e Krimeve të Rënda dhe Njësia Antiterror.<br /><br />Rezulton se Xhema ka hyrë para disa ditësh në Shqipëri dhe në Vlorë ndodhej për pushime, por ende nuk dihet se cila ka qenë arsyeja që e shtyu atë të tentojë pengmarrjen e tre qytetarëve.<br /><br />Nga kontrolli i ushtruar në automjetin e tij me targë KS 02300 CO policia nuk ka gjetur armë por një sasi droge dhe po vijojnë hetimet me policinë e Kosovës që po kryen kontrolle në banesën e të riut në Mitrovicë.<br /><br />Por cili është Dijar Xhema? Nga skeda e tij rezulton se ai është një person me prirje terroriste dhe drejt veprave kriminale ndërsa në Kosovë është proceduar dhe për vrasje dhe kundërshtim të policisë.<br /><br />Dyshimet e hetuesve janë se Xhema është një ndjekës i linjës së ISIS dhe prej kohësh ai është bërë pjesë e veprimeve ekstreme të këtij grupi që në Kosovë ka një numër të konsiderueshëm ndjekësish.<br /><br />Ky shtetas ka kundërshtuar dhe forcat e policisë duke përdorur dhunë ndaj tyre si në momentin e arrestimit dhe shoqërimit për në ambjentet e policisë.<br /><br />Ndaj tij është ngritur akuza e përfshirjes në akte terroriste dhe të enjten ai do të dalë para Gjykatës së Krimeve të Rënda në Tiranë për tu njohur me akuzën ndaj tij dhe masën e sigurisë arrest me burg.
