Komisioni Parlamentar i Medias ka rrëzuar vetëm me votat e maxhorancës dekretin e Presidentit që ktheu për rishqyrtim në Kuvend projektligjin për formulën e zgjedhjes së Drejtorit të Radio Televizionit Publik Shqiptar.<br /><br />Deputeti Musa Ulqini, relatori i çështjes, tha se dekreti i Presidentit për rrëzimin e formulës nuk ka asnjë bazë kushtetuese. <br /><br />?Presidenti keqinterpretoi orientimet e Venecias?, u shpreh Manja, relator i ligjiit.<br /><br />Ligji i ri parashikon përzgjedhjen e kreut të Radio Televizionit Shqiptar përmes votimit me shumicë të thjeshtë në Kuvend. <br /><br />Në dekret Kreu i Shtetit jepte tre arsye se pse ligji duhet të rishqyrtohet nga deputetët, duke nënvizuar se ligji i mëparshëm ishte në bazë të standardeve evropiane dhe se ishte miratuar me ekspertizën e ekspertëve të Këshillit të Evropës.<br /> <br />Rreth një javë më parë, presidenti Bujar Nishani ka kthyer për rishqyrtim në Kuvend ligjin për mediat audiovizive. Sipas tij, me këtë ligj rrezikohet të vendoset në krye të RTSH-së një person i parapëlqyer nga maxhoranca. <br /><br />Kreu i shtetit sheh ?non sens ligjor? në faktin që për shkarkimin e drejtorit nevojitet shumicë e cilësuar votash. E gjithë kjo, sipas tij, bëhet për të konsoliduar pozitat e të përzgjedhurit të maxhorancës.<br /><br />Argumenti i tretë i kreut të shtetit për kthimit e ligjit në Kuvend është fuqia prapavepruese e ligjit të ri i cili ndryshon rregullat e lojës në një kohë kur për kreun e RTSH-s po zhvillohet një garë.
