?Pranverë 2016? çon pas hekurave 6 persona të shpallur në kërkim dhe me rrezikshmëri të lartë shoqërore. Arrestimi i tyre është bërë nga Policia e Tiranës në 24 orët e fundit ku në kontrolle dhe postblloqe është bërë i mundur kapja e të kërkuarve.<br /><br />Mes tyre janë Astrit Elezaj 51 vjeç i dënuar në Itali, Grigor (Genci) Lamaj i dënuar në Itali, Leonart Pajolli, 47 vjeç, banues në Tiranë, i dënuar në Shqipëri.<br /><br />Po ashtu janë arrestuar Robert Vila 42 vjeç i dënuar në Shqipëri, Bashkim Methasani 43 vjeç i dënuar për mospagim taksash dhe Eduart Methasani 35 vjeç po për mos pagim taksash.<br /><br />Këta shtetas rezulton të kenë mbi 35 vite dënime të pashlyera ndërsa pas arrestimit të tyre kanë nisur procedurat e ekstradimit për të kërkuarit nga drejtësia italiane.<br /><br />Ndërkohë burime nga Policia e Tiranës bënë me dije se nga kjo fundjavë menaxhimi i sigurisë dhe rendit në kryeqytet ka hyrë në një fazë të re pasi patrullat e komisariateve mbështeten nga njësitë speciale përfshi dhe efektiva civil që ndërhyjnë në raste të një rreziku apo kapjes së personave me precedent.
