Jeta e humoristit të shquar të Skënder Sallaku do të zbulohet në një libër. Është bashkëshortja e tij që ka bërë një libër monografik për të. Libri monografik ?Skënder Sallaku" me autore, Vitore Sallaku promovohet ditën e hënë në orën 17:00, tek Bar Piaca (Mbrapa Muzeut Kombëtar).<br /><br /> Ja çshkruan në parathënien artisti i njohur Bujar KAPEXHIU që ka qenë regjisor i disa premiera të artstit të madh Skënder Sallaku.<br />?Nuk e besoj se Skënder Sallaku është larguar nga kjo jetë? shkruan ndër të tjera ai duke theksuar se :<br /><br />Jeta e Sallakut ishte e mbushur me batuta gazmore, të papritura skenike, spektakle, turne, situata komike, përplasje ideore, keqkuptime.<br />Për asnjë çast, edhe tani që po shkruaj këto radhë, nuk kam besuar se Skënder Sallaku është larguar nga kjo jetë. Nuk kam besuar që nga ne është larguar e qeshura, humori, barsoletat, gallata. E kujtojmë çdo ditë dhe qeshim...<br /><br />Ndoshta sepse në tavolinën time të punës ndodhet portreti i tij, që me shikimin drejt në sy dhe me buzëqeshjen karakteristike duket sikur më thotë: ?a të them një të fundit?? Sikur dëgjoj fjalët plot humor dhe pas tyre të qeshurën e tij të fortë, me sa duket, sipas këshillës së disa specialistëve të humorit, që rekomandojnë të qeshurën e vetë treguesit që të mund të infektojë edhe dëgjuesit... ?Sa shumë kemi qeshur!?<br /><br />Duke lexuar këto faqe me ngjarje dhe histori të Skënder Sallakut, të shkruara me aq dashuri e saktësi nga Vitorja, unë vazhdoj të qesh me to. Është jeta e një njeriut të veçantë, që Zoti, si rrallëkujt, i dhuroi një dhunti të çmuar: humorin, dëshirën e pasionin që në çdo moment, në çdo vend, në çdo rrethanë t'u japë njerëzve buzëqeshje, të qeshurën, gëzimin.<br /><br />Këtë mision ai e kreu me aq devotshmëri, përherë i gatshëm, i papërtuar, entuziast.<br /> <br />"Buzëqeshja është rruga më e shkurtër midis dy njerëzve", e kam thënë këtë herë pas here, sepse e besoj, dhe sepse kam parë përherë te Skënderi që me njerëzit ai nuk kishte rrugë, nuk kishte distancë, qëndronte gjithnjë pranë tyre, duke mos e kursyer buzëqeshjen, mirësinë, gazin dhe harmoninë, por duke i dhuruar këto me shumë përzemërsi.<br /> <br />Sa herë që Skënder Sallaku tregonte diçka gazmore, po aq herë ai qeshte me gjithë shpirt dhe e qeshura e tij shpërthente akoma më shumë kur bashkëbiseduesit ia shkrepnin gazit.
