Partia Socialiste vazhdon t?i kërkojë Partisë Demokratike të mos pengojë procesin e dekriminalizimit, duke mbrojtur deputetët e saj. Deputeti socialist Alfred Peza kërkon të veprohet mbi ish-ministrin e brendshëm Falmur Noka , deputetin Alban Zeneli dhe Arben Ristanin, numërin dy të Partisë Demokratike.<br /><br />Deklaratë për media e deputetit, njëkohësisht Sekretar për Organizimin Dixhital në PS, Alfred Peza:<br /> <br />Që ligji i dekriminalizimit të japë efektet e tij të plota, është radha e Partisë Demokratike të veprojë. Sepse të gjithë kanë patur rastin që ta shohin, se është kjo parti që po e pengon procesin e dekriminalizimit, duke mbrojtur deputetët dhe të zgjedhurit e tjerë të vet, subjekte të këtij ligji.<br /><br /> Dekriminalizimi është një proces i pandalshëm për pastrimin e skenës politike shqiptare, që nuk bëhet me fjalë, por me vepra.<br /><br /> Ndaj, e ftojmë Partinë Demokratike që të gjejë kurajon për të shkuar përtej propogandës, retorikës boshe dhe fjalëve në erë.<br /><br /> Ish ministri i Brendshëm Flamur Noka akuzohet si spiun i shërbimeve sekrete serbe. Ai ka qenë i ndaluar dhe ka gënjyer në formularin që ka plotësuar vetë për dekriminalizimin.<br /><br /> Partia Demokratike duhet të veprojë menjëherë, pasi të gënjesh nëpërmjet formularit, përbën vepër penale që dënohet nga ligji.<br /><br /> Në të njëjtën mënyrë duhet të veprohet për Alban Zenelin, deputetin e dënuar me burg por edhe për Arben Ristanin, numrin dy të Partisë Demokratike i dënuar gjithashtu me burg.<br /><br /> Partia Socialiste i bën thirrje Prokurorisë së Përgjithshme që të përfshihet në hetimin e Flamur Nokës, Arben Ristanit, Alban Zenelit e të çdokujt tjetër që përfaqëson këtë parti dhe që ka probleme me dekriminalizimin.<br /><br />Partia Demokratike nuk mund të pretendojë se ka ndonjë meritë në rastin e dorëheqjes së ish- Kryetarit të Bashkisë së Kavajës, Elvis Roshi. Sepse, ai u dorëhoq pasi u njoh vetë me të vërtetën.<br /><br />Ndërsa ne si familje politike, theksuam se respektojmë veç ligjin dhe se përpara ligjit, askush nuk është më i rëndësishëm.
