Pesë muaj nga rrëzimi i avionit Piper të drejtuar nga italiani Guido Guidi dhe dyshimeve se ky mjet fluturues do përdorej për trafik droge, piloti italian arrin të marrë pasaportën e bllokuar nga autoritetet shqiptare dhe lë si garanci për llogari të hetimeve 10 mijë euro.<br /><br />Garancia e Guidit është pranuar këtë të martë në Gjykatën e Krimeve të Rënda aty ku Prokuroria e Krimeve ka qenë dakord që t'i rikthehet pasaporta pilotit Guido Guidi.<br /><br />Ky është vendimi i dytë i ndërmjetëm për dosjen e avionit të Ishmit pas atij të disa javëve më parë ku Krimet e Rënda kanë vendosur që avioni i sekuestruar në Ishëm t'i rikthehet pronarëve të ligjshëm klubit të aeronautikës Savona.<br /><br />Vetë Guidi pas arrestimit pranoi se kishte ardhur për të kryer trafik droge nga Ishmi drejt Italisë por këtë dëshmi ai e ndërroi duke shfaqur një qëndrim kontradiktor para hetuesve.
