Subscribe në Ora News këtu http://bit.ly/1s5j7UT<br />Ka mbërritur në portin detar të Durrësit një nëndetëse ushtarake turke. Vizita e saj është planifikuar në kuadrin e bashkëpunimit ndërmjet flotës detare turke dhe asaj shqiptare si dhe operacioneve detare të NATOS.<br />Nëndetësja turke është ankoruar në kalatën nr 5 të portit detar të Durrësit. Ajo do te qëndrojë në Durrës 4 ditë. Kjo nëndetëse është angazhuar jo vetëm në sigurinë territoriale detare të shtetit turk por edhe në disa operacione të NATOS për paqe dhe siguri.<br /> Nëndetësja është e klasit 209 diesel elektrik, është prodhim i vitit 2008 dhe ka në bordin e saj 8 silura të fuqishme.<br />Është e gjatë 62 m dhe një ekuipazh ushtarak prej 45 marinarësh. Është parashikuar që gjatë qëndrimit të saj në Durrës,ekuipazhi ushtarak do të zhvillojë takime me funksionarë ushatarkë vendas si dhe me pushtetarë vendorë.<br />Gjithashtu do të organizohen dhe vizita në objekte arkeologjike dhe muzeume në Durrës, Krujë dhe Shkodër.<br />Në axhendën e nëndetëses turke është parashikuar edhe një ndeshje futbolli mes marinarëve turq dhe homologëve shqiptarë të flotës detare. Mësohet se stacioni i Durrësit ka ardhur pas një stërvitje që kjo nëndetëse ka zhvilluar në ujrat italiane po në kuadrin e NATOS.<br /><br />Për më shumë lexoni në: <br />http://www.oranews.tv/vendi/shikoni-nendetesen-turke-qe-do-te-qendroje-4-dite-ne-portin-e-durresit/
