Subscribe në Ora News këtu http://bit.ly/1s5j7UT<br /><br />Kryeministri Edi Rama ka publikuar emrat e 100 zyrtarëve të cilët janë denoncuar online. Raporti që kryeministri Rama ka publikuar në Facebook, bazohet në 3 mijë komente. <br />Rama thotë se sipas këtij raporti që i është vënë në dispozicion grupit të punës për reformimin rrënjësor të rrjetit të zyrave të shtetit 70 i përkasin qeverisjes vendore e qendrore, ndërsa 30 sistemit të drejtësisë.<br />Publikimi në Facebook<br />RAPORT PËR JU<br />Më poshtë keni përmbledhjen e raportit që i është vënë në dispozicion Grupit të Punës për reformimin rrënjësor të rrjetit të zyrave të shtetit. <br />Kjo përmbledhje, ashtu si vetë raporti, është bërë nga Skuadra e Shënimeve, pas leximit dhe kategorizimit në dosje të veçanta të të gjithë komenteve Tuaja në postimin me titull: EKSPERIENCA JUAJ NEGATIVE<br />Statistika të postit për Eksperiencat negative në Administratë:<br />Në rreth 3 mijë komente, duke përjashtuar kthimet e përgjigjeve mes komentuesve, komentet e përsëritura apo postimet reklamuese, të vlefshme për kategorizim dhe analizë ishin rreth 2068 komente nga të cilat:<br />310 JO-ADMINISTRATË: Grup komentesh që nuk lidheshin as me administratën qendrore dhe as me atë vendore, por me sistemin e drejtësisë në masen 98% dhe pjesa tjetër me kushtet e punës në sektorin privat. Në akuzat e ngritura për sistemin e drejtësisë mbizotëronte masivisht problemi i tjetërsimit të pronës, zvarritjeve me vite i çështjeve apo dhe mos-ekzekutimi i vendimeve.<br />702 PERCEPTIME: Grup komentesh që shprehnin një opinion pa iu referuar një përvoje konkrete personale, apo edhe thjesht të dëgjuar. Në këto perceptime 166 janë pozitive për këtë nisme dhe e mbështesin edhe në ato raste kur shprehet skepticizëm nëse kjo hapësirë për denoncime në FB do e zgjidhë situatën. 235 komentues perceptonin që praktikat negative ekzistojnë në përgjithësi në të gjitha nivelet e administratës ndërsa 301 të tjerë e shprehnin perceptimin e tyre duke vënë gishtin tek disa institucione si më të ?spikaturat? ku më shpesh përmenden Hipotekat, Aluzini, Shëndetësia, Arsimi, OSHEE, Policia, dhe Punësimi pa meritë në administratën publike.<br /><br />Për më shumë lexoni në: http://www.oranews.tv/vendi/rama-publikon-emrat-ja-zyrtaret-e-denoncuar-per-abuzim/
