http://www.vizionplus.tv<br />https://facebook.com/VizionPlusTV<br />https://twitter.com/VizionPlusTV<br />Ministria e Financave ka zyrtarizuar vlerën e taksës së pronës, që do të paguajë qytetarët nga 1 janari i vitit 2018.<br /> <br />Pas shumë diskutimesh, Ministria ka vendosur që për një shtëpi banimi tatimi të jetë 0.05%, ndërsa për ambientet tregtare 0.15% e vlerës së pronës.<br /><br /> <br />Më të penalizuarit nga ky tatim do të jenë ata që kanë sipërfaqe të mëdha banese, si dhe një vlerë të lartë të çmimit.<br /> <br />Në bazë të llogaritjeve tatimi do të jetë 1 deri në 3 fish më shumë nga skema aktuale.<br /> <br />Qytetarët paguajnë aktualisht një takse fikse bazuar në sipërfaqen objektit.<br /> <br />Ajo ndahet në 15 lekë për metër katror për pallatet e vjetra dhe 30 lekë për metër katror për objektet e reja të ndërtuara pas vitit 1993.<br /> <br />Por taksa paguhet vetëm në Tiranë, në faturën e ujit.<br /> <br />Sipas të dhënave nga Ministria e Financave skema e re e tatimit do të nisë me Tiranën dhe më pas do të shtrihet në qytete kryesore për zonat urbane, ku dhe të dhënat mbi pronën janë më të sakta.<br /> <br />Sipas relacionit që shoqëron këtë projektligj në paketën fiskale është parashikuar që ky tatim të vilet nga agjentë tatimor, i cili do të marrë edhe 2 % të vlerës.<br /> <br />Rolin e agjentit mund të kryejë Kompania e Shpërndarjes së Energjisë Elektrike. Megjithatë këto detajime pritet të zyrtarizohen në ditët në vijim teksa paketa të diskutohet dhe miratohet në kuvend.
