Në një shtet të së drejtës dhe në një shoqëri ku në qendër është Njeriu, secili merr vendime lirisht për jetën e tij dhe është vetë përgjegjës. Por, paradoksalisht, shoqëria shqiptare me një përqindje të lartë të popullsisë rurale, ka në qendër "moralin" dhe "nderin". Dhe, akoma sot- kur flasim për nder dhe moral, shigjetojmë vajzat. Ja se si gjeneron krimi në familjet shqiptare. <br />Për të zbërthyer më mirë këtë temë, Report Tv sjell një histori të vërtetë mbi përjetimet e një gruaje të dhunuar dhe ndryshimin e gjendjes së saj pas marrjes së ndihmës, një histori kjo e improvizuar nga një studente e Akademisë së Arteve.<br /><br />Në të gjithë Shqipërinë, vetëm për vitin 2017 janë evidentuar 3460 raste dhune, ku 2468 prej tyre kanë lënë shenja të forta në jetën e grave dhe vajzave.
