Subscribe në Ora News këtu http://bit.ly/1s5j7UT<br /><br />Emisionin "Ju flet Moska" me Kastriot Myftarajn sot trajtoi abuzimet e mëdha që janë bërë me naftën. Në analizën e tij, Myftaraj thotë se peshqit e mëdhenj në Shqipëri notojnë në detin e naftës. Dhe nëse ata do të kapen, mund të gjenden pikërisht tek nafta.<br /><br />Analiza e Kastriot Myftarajt<br /><br />Kemi hyrë në vitin 2018, vit kur ambasadori amerikan ka paralajmëruar se në rrjetën e drejtësisë së reformuar do të bien peshqit e mëdhenj.<br /><br />Peshqit e mëdhenj në Shqipëri notojnë në naftë, nëse mund të shprehem kështu. Duhen kërkuar në detin e naftës. Pra nëse ka ndonjë fushë ku mund ti kapësh peshqit e mëdhenj ku ata kanë lënë gjurmë, kanë bërë gjithçka, ku lidhen të gjitha fijet e punëve të pista është nafta. E kam fjalën edhe për nxjerrjen e naftës, edhe për tregtinë e naftës, për koncesionet, shitjet, për privatizimet që janë bërë në naftë etj.<br /><br />Historia e naftës në këto 25 vjet është historia e shpërdorimit të një pasurie të madhe të shqiptarëve. Mund të jenë rreth 25 mld euro që janë shpërdoruar dhe mund të duket e çuditshme, por nuk është e çuditshme. Është shpërdoruar edhe e ardhmja, është shitur pasuria në të ardhmen, janë dhënë koncesione me gjatësi 25-30 vjet, pra janë dhënë puset e naftës. Duhet të dini që për puset e naftës shqiptare janë të interesuara shumë kompani të botës. Mjaft të themi që ka ardhur Shelli dhe ka bërë investime të mëdha në zonën e Beratit, në zonën e Shpiragut. Bankers ishte në zonën e Patos Marinëz që është zona naftmbajtëse më e madhe në Europën Kontinentale, se në Europë nxirret edhe naftë në det, në detin e veriut psh. E bleu një kompani e madhe Bankersin, kompaninë kanadeze po janë dhe kompani të tjera. Pra është një pasuri për të cilën janë të interesuar të huajt për të cilët investojnë kompanitë e huaja dhe investimi më i madh i huaj sot bëhet në naftë dhe gaz.<br /><br />Kjo është një pasuri që është shpërdoruar në mënyrën më të jashtëzakonshme e privatizimet, me të tjerat dhe me mënyra të tjera. Pra nëse mund ti kapësh peshqit e mëdhenj i kap në detin e naftës.<br /><br />Sot dhe përgjatë 5 emisioneve, do të flas për peshqimet e mëdhenj që notojnë në detin e naftës në Shqipëri. Peshqipet e mëdhenj, kuptohet politikanët që kanë bërë abuzime. Kur flasim për peshqit e mëdhenj na vjen në mëndje peshku më i famshëm në letërsinë dhe kinematografinë amerikane "balena mobidic".<br /><br />Peshku i madh i famshëm "balena mobidic" të cilën shumë thoshin se ekziston por ishte bërë legjendë dhe shumë pak besonin në të vërtetë, akoma më pak besonin se mund ta kapnin.<br /><br />Në naftë mund ta kapësh "mobidic-un" dhe disa "mobidic-ë".<br /><br />Për më shumë lexoni në: http://www.oranews.tv/article/ju-flet-moska-myftaraj-peshqit-e-medhenj-notojne-ne-nafte
