Subscribe në Ora News këtu http://bit.ly/1s5j7UT<br /><br />Në ciklin e dytë "Peshqit e mëdhenj notojnë në naftë" në emisionin "Ju flet Moska", Kastriot Myftaraj ka denoncuar sërish atë se çfarë bëhet me pasurinë më të madhe të vendit tonë, naftën.<br /><br />Myftaraj shpjegon se të gjithë politikanët e tranzicionit në Shqipëri kanë ndërtuar skema për të privatizuar me anë të njerëzve të tyre vendburimet e naftës.<br /><br />Sipas tij këtë e ka bërë edhe Nano edhe Berisha dhe tani po mundohet ta bëjë edhe Rama.<br /><br />Kastriot Myftaraj: Dje kam filluar një cikël emisionesh ku dua tu shpjegoj se përse peshqit e mëdhenj të cilët presin tani në 2018 të bien në grepin e drejtësisë së reformuar. Këta peshq të mëdhenj sipas meje gjenden në naftë, kërkoi në naftë dhe aty i kap lehtë. Kur them në naftë e kam fjalën në biznesin e naftës. Gjithçka që është bërë me naftën në Shqipëri, keqpërdorimin e vendburimeve të shumta, tregun e naftës etj.<br /><br />Nëse do më pyesnit tani kur do të hyjë Shqipëria në BE? Do të përgjigjesha fare thjesht: Do ta kuptoni një mëngjes se kur është gati atë ditë kur në rrugët e Shqipërisë do ekspozohet marka e regjistruar e naftës që shitet dhe kjo markë do përputhet me produktin, sepse në çdo vend po të shkosh edhe në vende që nuk janë anëtarë të BE, në vendet fqinje është e ekspozuar marka e regjistruar e naftës që shitet në çdo stacion karburanti, rruge apo fshati dhe kjo markë përputhet me produktin.<br /><br />Kur të ndodhë kjo në Shqipëri vendi është gati të hyjë në BE dhe këtë e them për arsyen e thjeshtë, që të ndodhë kjo duhet të plotësohen një numër shumë i madh kriteresh të tjera, të funksionojë ligjshmëria në vend, kontrolli nga ana e shtetit, standardet e mbrojtjes së mjedisit etj dhe kur të bëhen të gjitha këto, do të bëhet dhe kjo.<br /><br />Për më shumë lexoni në: http://oranews.tv/article/ju-flet-moska-peshqit-e-medhenj-notojne-ne-nafte-ii
