Nga 1 Prilli qytetarët do të paguajnë taksën e pronës në bazë të vlerës dhe jo fikse, siç është aktualisht. Për familjarët taksa është sa 0,05 % e vlerës së banesës, ndërsa për bizneset 0,2 % e vlerës. Drejtues të Ministrisë së Financave thonë për Klan Plus së në këtë periudhë po merren me hartimin e regjistrit te kadastrës fiskale dhe për implementim e taksës së re do të merret asistencë ndërkombëtare nga Agjencinë Suedeze për Zhvillim.<br /><br />Por si do të përcaktohet vlera e pronës së një qytetari?<br /><br />Niko Lera, Drejtor i politikave fiskale: ?Do përdorim të gjitha format e mundshme t?i shkojmë derë me derë ose me vetëdeklarim. Kemi parashikuar edhe vetëkorrigjim. Edhe brenda një zone 2 banesa edhe në të njëjtin pallat mund të kenë vlera të ndryshme. Nëse qytetari nuk është dakord me këtë llogari ai mund te paraqitet pranë sportelit?.<br /><br />Ku do drejtohen qytetarët për vetëdeklarim? <br /><br /> ?Mund të jetë në zyrat e OSHEE apo në zyrat tatimore te qeverisjes vendore".<br /><br />Agjenti i mbledhjes së kësaj takse është thënë që do të jetë OSHEE dhe siç dihet aktualisht OSHEE është duke punuar me projektin për përditësimin e adresave që indirekt duket se mund të ndihmoje edhe për arkëtimin e taksës së re të pronës. Nga Financat thonë se kanë përfunduar aktet nënligjore për zbatimin e taksës së re të pronës dhe nga muaji shkurt nis shpërndarja për mendim. Kujtojmë se Shoqata Bashkive e ka kundërshtuar nivelin prej 0.05% të taksës së pronës pasi rendon xhepat e qytetarëve dhe qeveria duhet sipas shoqatës duhet ta rishohë në ulje.
