Subscribe në Ora News këtu http://bit.ly/1s5j7UT<br />Në Tiranë një grup biznesesh të vogla mbyllën qepenat në shenjë proteste kundër përfshirjes së tyre në skemën e TVSh-së.<br /><br />Por ka dhe nga ato që nuk i kanë mbyllur duke mos pranuar të solidarizohen. <br /><br />Gazetarët e Ora News kanë raportuar situatën në tregje.<br /><br />Tek tregu i Medresese një pjesë e bizneseve nuk i janë përgjigjur protestës. "Disa tregtarë kanë replikuar me kryetarin e shoqatës së bizneseve të vogla me pretendimin se deri sot këto shoqata nuk e kanë mbrojtur biznesin e vogël" raporton gazetari Everest Dedaj nga tregu i Medresese.<br /><br />As në rrugën e Kavajës, shumë biznese nuk iu përgjigjën thirrje për të mbyllur protestat. Pyetjes së gazetares së Ora News, Nertila Dosti , jashtë kamerave, se përse nuk i mbyllën qepenat ata thonë se nuk besojnë dhe nuk duan të përdoren politikisht.<br /><br />Edhe në tregun Ushqimor bizneset kanë qenë të ndarë. Shumë tregtarë nuk kanë dashur të flasin por janë mjaftuar duke thënë: Merru me lëngun se mishi mbaroi" <br /><br />Deputeti i PD-se, Ervin Salianji foli për presion të inspektorëve tatimorë ndaj bizneseve.<br /><br />Protesta do të zhvillohet nga ora 11:00 deri në orën 12:00 dhe është parashikuar të mbahet dhe në tregun Çam, Tregu Ushqimor, Rruga e Kavajës dhe në Rrugën e Durrësit.<br /><br />Protestës së biznesve i janë bashkuar edhe deputetë të Partisë Demokratike.<br />Për më shumë lexoni në:<br />http://oranews.tv/article/biznesi-sot-ne-proteste-ulen-qepenat-1-ore-kunder-vendosjes-se-tvsh-se
