Subscribe në Ora News këtu http://bit.ly/1s5j7UT<br />Një lokal veror me konstrukt prej druri është djegur gjatë natës në zonën e Ranës së Hedhun në Shëngjin.<br /><br />Ngjarja është regjistruar rreth orës 02:00 të mëngjesit, ndërsa lokali i cili u shkrumbua nga flakët është në pronësi të Pjetër Prelës.<br /><br />Ka qenë roja i objektit, i cili ka konstatuar flakët dhe menjeherë ka njoftuar zjarrfikësit dhe policinë.<br /><br />Këta të fundit mbërriten në një kohë të shpejtë në vendin e ngjarjes, por pa mundur të shpëtojnë asgjë, pasi konstrukti prej druri i lokalit ka bërë që zjarri të përhapet me shpejtësi.<br /><br />Sipas të dhënave dëmet e shkaktuara janë të konsiderueshme, ndërsa në lidhje me ngjarjen kanë nisur hetimet.<br /><br />Nga veprimet paraprake dhe deklarimet e rojes dyshohet se zjarri të ketë qenë aksidental,pas një defekti që ka pësuar ekspresi i lokalit.<br /><br />Gjithsesi grupi hetimor po vijon hetimet për zbardhjen e plotë të shkaqeve të këtij zjarri.<br /><br />Pronari i lokalit, Pjetër Prela, rezulton se është njëri nga personat që denoncoi skandalin e tjetërsimit të pronave në zonën e Ranës së Hedhun, duke vënë nën akuzë 23 persona mes tyre dhe zyrtarë publik në Lezhë. <br />Për më shumë lexoni në:<br />http://oranews.tv/article/ekspresi-i-kafese-shkrumbon-lokalin-tek-rana-e-hedhun
