Subscribe në Ora News këtu http://bit.ly/1s5j7UT<br /><br />Presidenti Meta nënvizon rëndësinë e zgjidhjes së marrëveshjes për paktin detar me Greqinë. <br /><br />Pikërisht negociatat me shtetin fqinj kanë qenë temë e takimit që mbajti pasditen e djeshme me kryeministrin Edi Rama.<br /><br />"Takimi i djeshëm me kryeministrin Rama ka qenë normal ku janë diskutuar çështje të ndryshme kryesisht lidhur me rëndësinë e çeljes së negociatave për anëtarësimin e vendit tonë në BE. Shpresojmë në një vendim pozitiv për çeljen e negociatave. Natyrisht edhe për ecurinë e negociatave me Greqinë kemi diskutuar. Por jemi në një proces për të marrë vendime të mëtejshme pasi Institucioni i presidentit pret informacione edhe më të plota sipas standardeve më serioze që meriton rëndësia e kësaj çështje" u shpreh Meta paraditen e sotme në një prononcim për median në Tiranë<br /><br />Sa i takon vendimmarrjes kreu i shtetit nënvizoi se vendimet e institucionit të presidentit do të jenë në përputhje me Kushtetutën dhe përgjegjësitë që i takojnë këtij institucioni, ashtu sikurse të gjithë institucionet e tjera kanë përgjegjësitë e tyre që do i ushtrojnë në kohën e duhur.<br /><br />Për më shumë lexoni në: http://oranews.tv/article/greqia-meta-flet-takimin-me-ramen-presim-informacione-me-serioze
