"Hape! Policia! Jeni të rrethuar!"<br /><br />Shtëpia e Marklen Hakës ishte e para ku Forcat Speciale dhe RENEA mësynë në orët e para të mëngjesit të së mërkurës në fshatin Nikël të Krujës. 27-vjeçari ishte u vu në pranga pasi banesën e tij u gjet një armë zjarri, ndërsa mes rrobave kishte fshehur 29 milionë lekë të vjetra.<br /><br />Një ditë pas operacionit, Policia e Shtetit ka publikuar pamje të ndërhyrjes në banesat e personave të dyshuar. Forcat e policisë kanë kontrolluar shtëpitë e fisit Haka dhe Bami, atje ku kanë gjetur dhe sekuestruar armë, municione dhe sasi të konsiderueshme monetare.<br /><br />Në pranga u vunë 5 persona, por policia në asnjë moment nuk ka hasur në rezistencë. Gjatë ndërhyrjes edhe pse para se të vepronte është shkëputur energjia elektrike në zonë.<br /><br />Mes 11 të shoqëruarve ka qenë edhe Durim Bami, por ky i fundit pasi është mbajtur për disa orë në komisariatin e Durrësit është lënë i lirë. Ndërkohë në pranga është vënë vëllai i tij, Valter Bami si dhe Lutfi Haka, Marklen Haka, Ylli Çangu dhe Skënder Leze.<br /><br />Gjatë kontrollit në banesat e këtyre personave policia ka gjetur dhe sekuestruar, 2 pistoleta, 4 armë gjahu, 5 armë të ftohta, 4 palë dylbi, rreth, 100 milionë lekë dhe një automjet të blinduar.
