Subscribe në Ora News këtu http://bit.ly/1s5j7UT<br />Ka përfunduar takimi midis kreut të Partisë Demokratike Lulzim Basha dhe kryetarit të Partisë për Drejtësi, Integrim dhe Unitet, Shpëtim Idrizi. Tanimë, të dyja partitë kanë zyrtarizuar marrëveshjen e koalicionit, që sipas kreut të PD-së, shtrihet në shumë fusha, duke përqendruar vëmendjen tek lidhjet e krimit dhe politikës.<br /><br />Basha: "PD dhe opozita e bashkuar kanë sot një mision jetik për çdo familje shqiptare; t'i japin fund bashkëqeverisjes me krimin, të largojë një orë e më parë krimin që ka zaptuar qeverinë dhe Parlamentin. Të çlirojë vendin nga sundimi i bandave dhe të ofrojmë vizionin tonë për një Shqipëri me ekonomi të fortë përmes parimeve dhe normave të ekonomisë së tregut të lirë dhe luftës pa kompromis kundër korrupsionit qeveritar. <br /><br />Bashkëpunimi ynë do të shtrihet në të gjitha fushat, në organizimin e zgjedhjeve të lira dhe të ndershme, të çlirimit të drejtësisë nga kapja politike dhe çlirimit të ekonomisë nga oligarkët. PD mbetet thellësisht e angazhuar për të drejtat e shqiptarëve të Çamërisë". <br /><br />Idrizi: PDIU sot është pjesë e opozitës së bashkuar. Përballë një mazhorance arrogante dhe ajo që është më e rënda braktisjes së vendit nga shqiptarët, kemi nevojë për një opozitë të fortë që të ketë alternativën e saj për të dalë nga ky tranzicion i tejzgjatur për t'u dhënë shpresë shqiptarëve.<br /><br />Për më shumë lexoni në: http://www.oranews.tv/article/idrizi-zyrtarizon-marreveshjen-me-bashen-te-rrezuar-qeverine-e-krimit
