TIRANE-Në orën 15:00 ka nisur seanca për masën e sigurisë për grupin Bajri te Krimet e Rënda. Seanca ishte planifikuar në orën 10:00, por për shkak të angazhimeve të gjyqtares në gjyqe të tjera u caktua ora 14.00, por u shty për në orën 15:00 për shkak të mbërritjes me vonesë nga Shkodra të Safet Bajrit, që ishte në një tjetër seancë për dënimin në Belgjikë.<br /><br />Gjyqtarja Ilirjana Olldashi mbylli dyert për mediat, pasi sipas saj ka akte që përbëjnë sekret hetimor dhe për këtë arsye prokuroria ka kërkuar që seanca të zhvillohet pa praninë e kamerave. Sot kanë dalë para gjykatës 6 nga 11 të arrestuarit, ndërsa seanca zhvillohet nën masa të forta sigurie.<br /><br />Ndërkohë që për Safet Bajrin është zhvilluar edhe një seancë gjyqësore në Shkodër, pasi u njoh me akuzat e shtetit belg për të cilat gjykata vendosi të japë masën "arrest me burg". Shqiptari është i dënuar në Belgjikë me 22 vite burg në mungesë për përfshirje në organizata kriminale, shfrytëzim prostitucioni dhe disa vepra të tjera penale.<br /><br />Sot para gjykatës;<br />Safet Rustemi (Bajri), i arrestuar në Tiranë;<br />Armir Grimaj, arrestuar në Shkodër;<br />Fabiol Rexhepi, i arrestuar në Shkodër;<br />Astmer Bilali, i arrestuar në ndërhyrjen e datës 6 shtator në Shkodër;<br />Ilir Rustemi, i arrestuar në ndërhyrjen e datës 6 shtator në Shkodër;<br />Emrah Plaku, i arrestuar në ndërhyrjen e datës 6 shtator në Shkodër;<br /><br />Nga grupi janë arrestuar 11 persona, nga të cilët 9 në Shqipëri dhe 2 në Holandë. Nga 9 të arrestuarit në Tiranë dhe në Shkodër, 3 janë arrestuar në datë 6 shtator, ndërsa 6 para 3 ditësh. Në kërkim janë Enver Bajri dhe një tjetër person. Safet Rustemi (Bajri) është emri më i njohur i grupit të Bajrajve, pasi është dënuar në Belgjikë me 22 vite burg dhe i lakuar shumë nga opozita si i lidhur me segmente të shumicës. <br /><br />Grupi Bajri-Të arrestuar nga dy operacionet<br />1. Behar Brajoviq (Bajri) arrestuar në Roterdam, Holandë;<br />2. Samet Halluni, i arrestuar në Roterdam, Holandë;<br />3. Ilir Rustemi, i arrestuar në ndërhyrjen e datës 6 shtator në Shkodër;<br />4. Emrah Plaku, i arrestuar në ndërhyrjen e datës 6 shtator në Shkodër;<br />5. Astmer Bilali, i arrestuar në ndërhyrjen e datës 6 shtator në Shkodër;<br />6. Armir Grimaj, arrestuar në Shkodër;<br />7. Safet Rustemi (Bajri), i arrestuar në Tiranë;<br />8. Fabiol Rexhepi, i arrestuar në Shkodër;<br />9. Ismet Idrizi, i arrestuar në Shkodër;<br />10. Denis Brajoviq, i arrestuar në Tiranë;<br />11. Klaudio Hoxhalliu, i arrestuar në Tiranë.<br /><br />Në kërkim:<br />Enver Bajri 45 vjeç dhe N.H., 34 vjeç
