Subscribe në Ora News këtu http://bit.ly/1s5j7UT<br />Emisioni "Ju flet Moska" nga Kastriot Myftaraj u ndal mbrëmjen e sotme në debatin mbi fondet sekrete greke në Shqipëri.<br /><br />Duke analizuar publikimin e këtij skandali, Myftaraj e sheh një lloj aksidenti të dalë nga përplasja mes dy Ministrave të qeverisë Tsipras.<br /><br />Sa i takon listës me emrat e ardhur nga Athina të gazetarëve dhe jo gazetarëve, Myftaraj thotë se njerëzit që mbrojnë qëndrimet greke janë të njohur në Shqipëri.<br /><br />Duke i përkufizuar si gazetarët-agjentë të Shërbimeve të Huaja në Shqipëri, Myftaraj thotë se të tillë ka në Turqi, Arabi, Rusi, Beograd, Bullgari dhe Maqedoni.<br /><br />Myftaraj: Këto ditë nga Athina ka ardhur një nga ato lajme krejt të pazakonta, për të cilën ne e dimë që pak a shumë përbën gjëra që ndodhim megjithëse nuk kemi pasur fakte.<br /><br />Me një konflikt brenda qeverisë në Greqi, gjatë një debati midis Ministrit të Jashtëm grek tashmë të larguar dhe atij të Mbrojtjes u zbulua një fakt se qeveria greke ka pasur një fond të posaçëm të fshehtë me shumë milionë euro çdo vit me të cilin paguante ndër të tjera dhe gazetarët shqiptarë.<br /><br />Pagesa bëhej që këta të potenconin, shprehnin, artikulonin, të mbronin në shkrimet e tyre, në daljet e tyre televizive, në debate, të mbronin ose ti shërbenin qëndrimit grek për çështje të ndryshme që ekzistojnë mes dy vendeve. Pse Greqia e zbuloi në këtë kohë? Nuk është se ka një strategji greke ta zbulojnë tani, zakonisht këto gjëra nuk zbulohen kurrë. Fakti që u zbulua si pa dashje në këtë kohë ndodhi për shkak të një debati midis dy Ministrave që nuk janë të vetëdijshëm për atë që quhet 'shteti i thellë'.<br /><br />Të dy këta, si ish-Ministri i Jashtëm Kotzias dhe ai i Mbrojtjes Kamenos, nuk u përkasin partive që kanë një traditë të gjatë shtetërore dhe një vetëdije të "shtetit të thellë". I përkasin partive që i solli kriza në pushtet. Kjo mungesë vetëdije do të pasqyrohej në sjelljen e tyre. Të zbulosh fondet e fshehta nuk ndodh në një shtet serioz. Por ndodhi dhe mirë që ndodhi.<br /><br />Për më shumë lexoni në: http://oranews.tv/article/ju-flet-moska-gazetaret-agjente-te-sherbimeve-te-huaja-ne-shqiperi
