Subscribe në Ora News këtu http://bit.ly/1s5j7UT<br /><br />Një automjet i ngarkuar me drogë është aksidentuar në Lezhë dhe për pasojë ka humbur jetën drejtuesi i mjetit.<br /><br />Ngjarja ka ndodhur gjatë natës, në rrugën rurale që lidh fshatin Kaçinar të Mirditës me Kaluer në Lezhë.<br /><br />Viktima është Tonin Ndreca nga fshati Kaçinar i Mirditës. 34-vjeçari ka qenë duke udhëtuar i vetëm me një automjet tip "Benz", kur ka humbur kontrollin e mjetit, duke rënë poshtë poshtë një ure.<br /><br />Për pasojë 34-vjeçari ka humbur jetën e menjëhershme nga plagët e marra, ndërsa nga kontrolli i makinës u zbulua se ishte e mbushur me kanabis sativa, e cila pas peshimit rezultoi se ishte një sasi prej 80 kg.<br /><br />Mësohet se i riu ishte nisur nga Kaçinari dhe nga nxitimi për të mbërritur ne kohë në destinacion, ka humbur kontrollin e mjetit duke përfunduar poshtë urës.<br /><br />Policia ka nisur hetimet për zbardhjen e rrethanave të plota të aksidentit si dhe të destinacionit të lëndës narkotike, e cila po tranpsortohej me automjet.<br /><br />Gjithashtu po punohet edhe zbulimin e personave të tjerë të përfshirë në këtë rrjet trafikimi të lëndëve narkotike.<br /><br />Për më shumë lexoni në: http://www.oranews.tv/article/lezhe-aksidentohet-makina-me-droge-vdes-shoferi
