#oranews<br />Pas informacioneve se në zonën e Astirit do të shemben dhe ato shtëpi që preken pjesërisht nga ndërtimi i Unazës së Madhe, banorët shprehen të vendosur për të mos lejuar aspak zbatimin e vendimit që rrezikon të lërë qindra familje pa një çati. Nëse një projekt i tillë do të vihej në zbatim, për ta do të thoshte rrënim i plotë.<br /><br />"Në fillim fare më thanë kap vetëm 40 cm, ajo kolona e verandës që duket aty, ajo thanë është mundësia për të mos e dëmtuar fare. Tani siç më kanë thënë banorët, edhe 1 metër nëse preket banesa do të prishet e gjitha".<br /><br />Kjo shtëpi ishte planifikuar të prishej pjesërisht nga projekti i Unazës së Madhe. Por vetëm një muaj nga marrja e detyrës, ministrja e re e Infrastrukturës Belinda Balluku duket se nuk ka pranuar të respektojë marrëveshjen e arritur nga paraardhësi i saj, edhe pse i përkasin të njëjtës qeveri.<br /><br />Të 4 anëtarët e kësaj familje do të mbeten pa një çati ku të jetojnë.<br /><br />Ylli Këllezi: Kam dy fëmijë, vetëm jam person me aftësi të kufizuar, kam dorën e prerë.Çunin e madh e kam në vit të tretë në gjimnaz, çunin tjetër e kam 13 vjeç me sëmundjen e autizmit. Vetë i katërti, çfarë të mbaj?<br /><br />Kryefamiljari, Ylli Këllezi, thotë se këtë ndryshim të vendimit ende nuk ia kanë bërë zyrtarisht, por nëse do të zbatohet do të ishte një rrënim për ta.<br /><br />Ylli Këllezi: Ky vendim na vret për së gjalli. Këta të vrasin për së gjalli. Me këtë vendim thotë vdis dhe qesh se dua unë.<br /><br />Por si familja e Ylli Këllezi janë me qindra familje në këtë zonë, të cilave iu shuhet shpresa për mbajtjen e një copëze nga shtëpia e tyre për të jetuar.<br /><br />Ata thonë se nuk do e lejojnë shembjen e banesës, duke kërkuar mbajtjen e premtimit të bërë më parë.<br /><br />"Ta fshijnë nga mendja se edhe foletë e milingonave po ti prishësh të hidhen milingonat dhe të pickojnë nga këmbët. Këtu populli është betuar të mbrojnë banesat me jetët e tyre".<br /><br />"Po konfrontohemi me policinë, por nëse ata zbatojnë urdhrat e kriminelëve dhe ne kemi të gjithë të drejtën e Zotit për të mbrojtur fëmijët tanë dhe shtëpitë tona".<br /><br />Në fund të vitit të shkuar banorëve të zonës së Astirit iu dha premtimi se banesat që prekeshin pjesërisht nga ndërtimi i rrugës nuk do të shembeshin.<br /><br />Për këtë do të duhet të merret dhe firma e një inxhinieri.<br /><br />Për më shumë lexoni në: http://oranews.tv/article/banoret-e-astirit-kundershtojne-ballukun-nuk-lejojme-te-preket-asnje-cep-shtepie<br /><br />Follow Ora News<br /><br />Subscribe To "Ora News" on YouTube Channel for NEWS HERE: http://bit.ly/2DDddtL<br /><br />Subscribe To "Ora News" on YouTube Channel for TV Shows HERE http://bit.ly/2sPcqj3<br /><br />For more content from click HERE www.oranews.tv<br /><br />Like Ora News on Facebook HERE http://bit.ly/2RkUN4s<br /><br />Follow Ora News on Instagram Here http://bit.ly/2HBuiID<br /><br />Follow Ora News on Twitter http://bit.ly/2RhOaQp<br /><br />Follow Ora News on Google+ HERE http://bit.ly/2TdjAJz
