Aksioni i Inspektoratit të Mbrojtjes së Territorit për të shembur disa banesa që do t?i hapnin rrugë vijimit të projektit të Bulevardit të Ri në zonën e Bregut të Lumit në Tiranë ka hasur në kundërshtimin e banorëve.<br /><br />Për të ndaluar aksionin banorët dolën përpara fadromave. Hodhën gurë në drejtim të policisë. Dogjën goma.<br /><br />Rreth 40 banesa janë parashikuar të prishen në këtë zonë, por banorët kërkojnë fillimisht të shpronësohen, edhe pse një pjesë e ndërtesave janë në proces legalizimi, ndërsa të tjerave ju është refuzuar kërkesa nga ALUIZNI. Deputetë të Partisë Demokratike dolën në mbështetje të banorëve.<br /><br />Pas tensioneve që zgjatën rreth 3 orë policia është larguar, ndërsa banorët kanë njoftuar për protesta të tjera deri në realizimin e kërkesave të tyre.<br /><br />Tv Klan
