#rtvora<br />Një trend i ri për sa i përket lojërave të fatit po lulëzon në Shqipëri pas mbylljes së pikave të basteve. Platformat online janë mënyra më e re për luajtjen e basteve, ku persona kryejnë organizime të tilla, të evidentuara tashmë nga policia. Pavarësisht kërkesës për mbylljen e 1627 faqeve onlinë që nga 1 janari, mjafton një klikim dhe shërbime të tilla i gjen edhe në gjuhën shqipe.<br /><br />Ndonëse prej 5 muajsh policia e shtetit deklaron se po ushtron kontrolle për të zbuluar rastet e subjekteve të paligjshme të lojërave të fatit, paratë e shqiptarëve vazhdojnë të shkojnë për baste.<br /><br />Lojtarët nuk plotësojnë më skedina me stilolaps dhe letër, por çdo gjë tashmë kalon përmes smartfonëve dhe kompjuterave në banesë, apo dhe në ambiente të tjera.<br /><br />Bastet online janë lehtësisht të aksesueshme. Mjafton një klikim dhe të gjitha të dhënat vijnë në kohë reale madje dhe në gjuhën shqipe.<br /><br />Që nga janari policia e shtetit dhe AMFL i kanë kërkuar AKEP mbylljen e rreth 1627 faqeve online që ofrojnë këtë shërbim dhe në fakt në pjesën dërmuese aksesi është i pamundur.<br /><br />Për të ndaluar fenomenin policia ka ushtruar 15 kontrolle në 5 muaj, ku verifikohen jo vetëm ambientet ku mund të luhen lojra të fatit, por dhe individët që mund të organizojnë baste sportive.<br /><br />Bëhet e ditur se janë proceduar 134 persona dhe sekuestruar 35 kompjutera, 10 makineta, 15 televizorë dhe 13 tavolina pokeri. Gjithashtu sipas të dhënave nga qendra kombëtare e biznesit nga 1 janari kanë ulur qepenin 4140 pika bastesh të cilat janë shndërruar bar kafe, biznese të ndryshme, apo ambiente që jepen me qira.<br /><br />Madje për këto është propozuar rritja e dënimit të përcaktuar në kodin penal. Propozimet për këto ndryshime kanë krijuar dhe debate në komisionin parlamentar të sigurisë.<br /><br />Braho: Jam dakord me dispozitën, të prevalojë gjoba, ashtu si dënimi me burg.<br /><br />Sterkaj: Ke lojëra bixhozi të ligjshme në Shqipëri<br /><br />Ndryshimet në kodin penal janë propozuar dhe për vepra të tjera siç janë goditjen për shkak të detyrës e policit dhe mjekut, dhunën në sport, dëmtimet e natyrës, armëmbajtjen pa leje, dhe disa vepra të tjera.<br />Për më shumë lexoni në: <br />http://www.oranews.tv/article/u-mbyllen-lokalet-e-basteve-lulezon-bixhozi-online<br />Follow Ora News<br /><br />Subscribe To "Ora News" on YouTube Channel for NEWS HERE: http://bit.ly/2DDddtL<br /><br />Subscribe To "Ora News" on YouTube Channel for TV Shows HERE http://bit.ly/2sPcqj3<br /><br />For more content from click HERE www.oranews.tv<br /><br />Like Ora News on Facebook HERE http://bit.ly/2RkUN4s<br /><br />Follow Ora News on Instagram Here http://bit.ly/2HBuiID<br /><br />Follow Ora News on Twitter http://bit.ly/2RhOaQp<br /><br />Follow Ora News on Google+ HERE http://bit.ly/2TdjAJz
