जरूर सुनिये प्रदीप रावत खुदेड़ की ये कविता<br /><br />❝उठणू बैठणू बी छोडेल❞<br /><br />तिन सौ-समाज मा उठणू बैठणू बी छोडेल<br />हमारि गलत्यू पर हमतैं डंटणू बी छोडेल<br /><br />गौं- मौ तै तिरे कि क्या पाण तिन बोल त सै<br />जू तिन अब गौंमा पैणू-पातू बंटणू बी छोडेल<br /><br />आजकल त तू ग्वेर बी एखुली एखुली बणगे<br />तिन त अब हमारु दगड़ू रखणू बी छोडेल<br /><br />इकुलांस बेटि-ब्वारयूं तै सारू मिल जांदू छौ<br />अब त तिन रात मा खँसणू बी छोड़ेल<br /><br />त्यरा हिटयां बाटों नया लगलोन पैटण छौ<br />पर तिन त अब नया बाटों हिटणू बी छोडेल<br /><br />कन नि पढ़दू क्वी कविता जू तू भलु लेखदी<br />पर तिन त बिंब अलंकार रंचणू बी छोडेल<br /><br />प्रदीप रावत ❝खुदेड़❞
