Kanë dashur të mashtrojnë policinë për të përfituar 50 mijë dollarë dhe kanë përfunduar në pranga. Në orën 13:00 të mesditës së djeshme, ekonomisti Blendi Furxhi i firmës "Alb de kros", ka denoncuar se pasi ka tërhequr në filialin e Bankës së Kursimit 50 mijë dollarë të firmës së tij, në makinë i është futur një person me armë për t'a plaçkitur. Sipas Furxhi, personi me armë mbante syze të zeza dhe mjekër. <br />Pranë 9 katëshve , personi i armatosur më ka marrë paratë dhe është larguar me një benz pa targa ka denoncuar ekonomisti. Pas kësaj inspektorë të Komisariatit 3 me shef Nikollë Vatnikën, kanë filluar kërkimet për të gjetur personin me syze së bashku me 50 mijë dollarët. <br />Por shumë shpejt është zbardhur se ekonomisti nuk është plaçkitur me armë, por në bashkëpunim me Ardian Jorgjin, punonjës në Shërbimin Informativ Shtetëror, i kanë fshehur dollarët dhe më pas kanë bërë një denoncim për një grabitje me armë që nuk ka ndodhur. Punonjësi i Shërbimit Informativ është kapur mbrëmë vonë në shtëpinë e tij ndërkohë që si provë Komisariati 3 ka një bisedë telefonike mes dy personave për dollarët e vjedhura.<br />Pasi është kapur Ardian Jorgji, janë gjetur dhe 50 mijë dollarët e fshehura. Sot në Komisariatin 3 është përgatitur dosja për t'i kaluar Prokurorisë sëbashku me 50 mijë dollarët. Pas formulimit të procesverbaleve, paratë do t'i kthehen përsëri firmës franceze, ndërsa dy personat e arrestuar priten të dalin në gjykatë për të marrë masën e arrestit.<br /><br /><br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
