Minister Sridhar Babu launches Mee Ticket App : ఆలయాలు, పర్యాటక ప్రదేశాలు వెళ్లినప్పుడు బస్సు, మెట్రో రైలు ప్రయాణం చేయాలని అనుకున్నప్పుడు టికెట్ తీసుకోవాల్సి ఉంటుంది. క్యూలైన్లలో నిలబడితే సమయం వృథా కావడంతో పాటు సరిపడా చిల్లర లేకపోతే ఇబ్బందులు తప్పవు. ఇలాంటి సమస్యలకు చెక్‌పెట్టేందుకు డిపార్ట్‌మెంట్‌ ఆఫ్‌ ఎలక్ట్రానిక్స్‌ సర్వీసెస్‌ డెలివరీ చర్యలు చేపట్టింది. పలు రకాల టికెట్లన్నీ ఒకే వేదికగా కొనుగోలు చేసేలా "మీ టికెట్" అప్లికేషన్‌ను రూపొందించింది. ఐటీ శాఖ మంత్రి శ్రీధర్‌బాబు ఇటీవలే ఈ యాప్‌ను ప్రారంభించారు.
