<p>ନୂଆଦିଲ୍ଲୀ: ସଂସଦରେ ମାଓ ପ୍ରସଙ୍ଗରେ ଚର୍ଚ୍ଚା ଜାରି ରହିଛି । ନକ୍ସଲ ମୂଳତ୍ପାଟନ ପାଇଁ କେନ୍ଦ୍ର ସରକାର ମାର୍ଚ୍ଚ 31 ପର୍ଯ୍ୟନ୍ତ ଡେଡଲାଇନ ଦେଇଥିଲେ । ଏ ପ୍ରସଙ୍ଗରେ ଆଜି ସଂସଦରେ ଦିନ ତମାମ ଚର୍ଚ୍ଚା ହୋଇଥିବା ବେଳେ ନକ୍ସଲ ବାଦ ପ୍ରସଙ୍ଗରେ କଂଗ୍ରେସକୁ ଜୋରଦାର ଟାର୍ଗେଟ କରିଥିଲେ ଶାସକ ଦଳ । ଏ ପ୍ରସଙ୍ଗରେ କଂଗ୍ରେସ ସାଂସଦ ତଥା କୋରାପୁଟ ସାଂସଦ ସପ୍ତଗିରି ଉଲ୍ଲାକା ଶାସକ ଦଳକୁ ଜବାବ ଦେବାକୁ ଯାଇ କହିଛନ୍ତି, ୟୁପିଏ ସରକାର ଅପରେସନ ଗ୍ରୀନ ହଣ୍ଟ ଆରମ୍ଭ କରିଥିଲେ । ଏଥିସହ ମାଓ ମୁକାବିଲା ପାଇଁ କମାଣ୍ଡୋ ବାଟାଲିୟନ ଫର୍ ରିଜୋଲ୍ୟୁଟ୍ ଆକ୍ସନ(କୋବ୍ରା) ତିଆରି କରିଥିଲେ । ନକ୍ସଲବାଦ ଯୋଗୁଁ ଛତିଶଗଡରେ କଂଗ୍ରେସ ଶୀର୍ଷ ନେତୃତ୍ବଙ୍କୁ ହରାଇଛି । ୟୁପିଏ ସରକାର କଲ୍ୟାଣ ଓ ସୁରକ୍ଷା ଉପରେ ଗୁରୁତ୍ବ ଦେଉଥିଲା । ୟୁପିଏ ସରକାର ବିଶ୍ବାସ କରୁଥିଲା କେବଳ ଗୁଳି ମାଓବାଦୀଙ୍କୁ ରୋକିପାରିବ ନାହିଁ । ମାଓବାଦୀ ନାଁରେ ନିରୀହ ଆଦିବାସୀଙ୍କୁ ହଇରାଣ ଶିକାର ହେବାକୁ ପଡିଛି । ସେମାନଙ୍କ ଜଙ୍ଗଲ ଜମି ଅଧିକାର ଛଡାଇ ନିଆଯାଇଥିବା କଥା କହିଛନ୍ତି କୋରାପୁଟ ସାଂସଦ । ଆଦିବାସୀଙ୍କ ମୂଳ ସମସ୍ୟା ସମାଧାନ କରିବା ଆବଶ୍ୟକ, ନଚେତ୍ ଆଗକୁ ଆହୁରି ସୃଷ୍ଟି ହେବେ । ଜଳ ଜଙ୍ଗଲ ଜମି ସମସ୍ୟା ସମାଧାନ ହେବା ଆବଶ୍ୟକତା ରହିଛି । ସେପଟେ ନକ୍ସଲବାଦ ପ୍ରସଙ୍ଗରେ ଲୋକସଭାରେ ବକ୍ତବ୍ୟ ରଖିଛନ୍ତି ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହ । </p><p>ଏହା ମଧ୍ୟ ପଢନ୍ତୁ:</p>ନକ୍ସଲ ମୁକ୍ତ ଭାରତ: ଲୋକସଭାରେ ବକ୍ତବ୍ୟ ରଖୁଛନ୍ତି ଗୃହମନ୍ତ୍ରୀ ଅମିତ ଶାହ LIVE</a><p>Watch: ସଂସଦରେ ନକ୍ସଲ ମୁକ୍ତ ଭାରତ ଚର୍ଚ୍ଚା, କଂଗ୍ରେସ ଉପରେ ବର୍ଷିଲେ ପୁରୀ ସାଂସଦ</a></p>
