Të aplikosh për një shërbim në zyrat e shtetit sot të duhet një dosje e fryrë dokumentesh dhe shumë ecejake nga një zyrë në tjetrën. Kjo situatë pritet të marrë fund shumë shpejt. <br /><br />Ristrukturimi i aparatit shtetëror do të përfshijë edhe një reformë në praktikat e punës së zyrave shtetërore, duke eliminuar shumë burokraci me të cilat qytetarët përballen. <br /><br />Burime nga Partia Socialiste bëjnë me dije për Shqiptarja.com, se grupi i posaçëm i ngarkuar për këtë çështje është mbledhur së fundmi nën drejtimin e Edi Ramës, pasi kryetari Arben Ahmetaj, pas aksidentit në Maqedoni, prej javësh po trajtohet në një spital privat në kryeqytet. <br /><br />Kështu, Edi Rama është mbledhur me Erion Braçen, Ilir Beqajn, Ditmir Bushatin, Elisa Spiropalin, Klotilda Ferhatin dhe Milena Hariton.<br /><br />Pas punës së bërë gjatë gjithë muajit korrik, grupi i punës ka analizuar të gjitha dokumentet që njerëzve ju kërkohen në zyrat shtetërore për çështje të caktuara.
